मोकळ्या रानात
पेरलं रे मी सोनं
हिरवं माझं हे धन
मातीतुन ||
राबतो रे दिन रात
मळलेल्या मातीत
दान दळलं जात्यात
मूठभर ||
पावसाचा कहर
फुलला नाही बहर
जगणं झालं जहर
रित्या पोटी ||
घास मजला मिळतो
त्याच्याच कष्टाचा
सूर्य जरी अस्ताचा
त्याच्या माथी ||
आलं हिरवं अंकुर
जगणं झालं सुखकर
भरलं माझं घरदार
धन धान्यानी ||
ओवी
पहिली माझी ओवी ग
महादेवाच्या पिंडीला
बेल पत्र वाहिला
चरणाशी ||
दुसरी माझी ओवी ग
गणरायाच्या मूर्तीला
मोदकाचा घास भरवला
नेवैद्यात ||
तिसरी माझी ओवी ग
पंढरीच्या विठूला
रुक्मिणी जोडीला
शोभतसे ||
चौथी माझी ओवी ग
करविराच्या लक्ष्मीला
धनधान्याच्या राशी हो
सौख्याच्या ||
पाचवी माझी ओवी ग
अयोध्येच्या रामाला
त्रास भोगून उज्ज्वल
केले सूर्य वंशाला ||
No comments:
Post a Comment