काळ्या करड्या मातीवरती
रांगोळी ही आवडते तिला
शुभ्र पांढऱ्या पानावरती
रंगवणे ही आवडते तिला
निळ्या मोकळ्या या आकाशी
थवे पाहणे आवडते तिला
संथ प्रवाही नदीसारखे
वाहत जाणे आवडते तिला
इतके साधे सोपे गणित पण
अवघड करणे आवडते तिला
तिचे हरवणे, शोधत बसणे
अता अताशा आवडते मला
तिला वाचणे, लिहिणे आणि
पाहत बसणे आवडते मला
कसे कळावे तिलाच आता
" ती " असणे ही आवडते मला
- जुई
No comments:
Post a Comment