एक स्वप्न पाहिलं मी मनात
मुक्त उडावे उंच आकाशात
आधार घ्यावा मजबूत पंखांचा
स्वच्छन्दी जगावे स्वप्नाच्या जगात
जावे कधी विरुद्ध वाटेने
नव्या दिशा अन वळणांची साथ
घेऊन सोबत विश्वासाचे बीज
रुजावे मातीत खंबीर हात
वाटते कोसळावे पावसासारखे
वाहावे रानावनातून घनदाट
शीळ घालून वाऱ्यावरती
फुलावे कधी पानाफुलात
शांत प्रवाहात वाहत जावे
गावे गाणे मंद स्वरात
उसळावे कधी लाटांवरती
पळावे एकटेच दूर सुसाट
स्वप्न असले गोड तरी
अंतर आहे ना वास्तवात
स्वप्नाच्या या दुनियेसाठी
पुरवून घ्यावी एखादी रात
- जुईली अतितकर
No comments:
Post a Comment