५०. जगून बघा

वाटले ना कधी सगळे, आलबेल चालले

एकदा तेव्हा, जगासाठी जगून बघा

संपलं सगळं होत नव्हतं, प्रश्न बोलले

एकदा तेव्हा, त्यांना उत्तर सांगून बघा

आहे भरपूर, घ्यायला द्यायला आता पुरे झाले

एकदा तेव्हा, एक झोळी खोलून बघा

हरवलेले हसू पुन्हा, नव्याने  मिळाले 

एकदा तेव्हा, आरशात वाकून बघा

कधी लाज, ईर्षा, इगोचे मनोरे रचले

एकदा तेव्हा डबक्यात, पाय धुवून बघा

एकदा चूक कबूल करण्या, आसू गळाले

एकदा तेव्हा, दोन्ही हात जोडून बघा

- जुईली अतितकर