रिमझिम पाऊस टीपटीपताना, कळी फुलातून कधी फुलताना
लाजाळूच्या स्पर्शासम भासे, आठवतो मग स्पर्श तुझा
मंतरलेल्या संध्याकाळी, मंद दिव्यातून जळताना
चांदण्यातल्या प्रकाशातून हि, आठवतो मज स्पर्श तुझा
आयुष्याच्या वाटेवरुनी, पुढे पुढे मी जाताना
कधी अचानक वाट बदलते, आठवतो मज स्पर्श तुझा
शांत किनारी वाऱ्यावरती, लाटावरुनी पळताना
एक लाट या खोल सागरी, आठवतो मज स्पर्श तुझा
भावभावना जाग्या होता, कधी एकटे असताना
सोबत भासे आज इथेही, आठवतो मज स्पर्श तुझा
अंधार दाटता चहूकडे, मार्ग आपला शोधताना
एक हात आधार भासतो, आठवतो मज स्पर्श तुझा
- जुईली अतितकर
No comments:
Post a Comment