जगलेले क्षण का कधी सहज पाठ सोडतात ?
आठवणींच्या कोड्यामध्ये, एक एक पान जोडतात.
जगलेले क्षण का कधी आपले मन मोडतात
घेऊन जातात दूर अन, अर्ध्यावर रस्ता सोडतात
जगलेले क्षण जेव्हा, डोळ्यासमोरून पळतात
फोटोमधले चेहरे सुद्धा, तेव्हा अचानक बोलतात
जगलेले क्षण नंतर, भयंकर सलतात
हळूहळू धागे दोरे, सगळेच कळतात
जगलेले क्षण का कधी सहज पाठ सोडतात ?
ध्यानी मनी आजकाल, स्वप्न ही तशी पडतात
- जुईली अतितकर
No comments:
Post a Comment