मिठापिठाची सांगड घालून
बनते माझी भाकरी
झटकन चटके हाती देऊन
फुगते माझी भाकरी
कष्टाची पहिली मिळकत
आणते माझी भाकरी
पिठल्या शेजारी दुमडून
शोभते माझी भाकरी
कौतुकाचे शब्द तोंडून
बोलते माझी भाकरी
पहिल्या वहिल्या प्रयत्नात
गोड हसते माझी भाकरी
गोरीगोमटी चंद्रासारखी
भासते माझी भाकरी
जिभेवरी आज ही लक्षात
राहते माझी भाकरी
येणार ना मग खायला
बोलावते माझी भाकरी....
- जुईली अतितकर
No comments:
Post a Comment