आली आज दिवाळी, सोन सकाळी
सडा रंग रांगोळी, रेखीली अंगणात
सणाचा उत्साह, पक्वनाचा मोह
जिव्हाळ्याचा स्नेह, सजवला मनात
उंबऱ्यात नक्षी छान, पावलांची खूण
फुलमाळाची तोरणं, सजली दारात
चैतन्याची लयलूट, नाती जोडती अतूट,
थोरामोठ्याची भेट, झाली ग घरात
वात भिजली तेजाने, नांदती सौख्याने,
ज्योती प्रखर नित्याने, जळती दिव्यात
प्रकाशाच्या पर्वाने, बोलले गाऱ्हाणे
चमकती हो चांदणे, फुलवीत रात
यावी तुझ्या ही घरी, घेऊन आनंद सरी
लख्ख दिशा या चारी, दिवाळी जोरात
किल्ले रचून मातीचे, भिंती फोडून जातीचे
हात जोडून साथीचे, करू संकटावर मात
- जुईली अतितकर
No comments:
Post a Comment