न बोलता जर भरलं रित पोट
न बोलता रंगले गुलाबी ओठ
तर कशाला ती लाजेची बुजरी मर्यादा
कशाला तो वेगळा औपचारिक गोठ
बोलून कुठे कोणी जिंकलंय मैदान
बोलून कुठे झालाय लोकांना बोध
बोलल्याने नेहमी विणले पाश
बोलल्याने लागला अस्तित्वाचा शोध
बोलणं घालते घाव कधी
बोलणं येत कधी जीवावर
बोलून प्रश्न सुटले असतील
कसरत तरी झाली मनावर
बाष्कळ बडबड वाटेल कुणा
निमूठपणे पाहत बसावं
आहे त्यात समाधान मानून
मूग गिळून गप्प बसावं
- जुईली अतितकर
No comments:
Post a Comment