नभ हि दाटून आले ओसरीवर माझ्या
मांडून ठेवल्या होत्या, जिथे आठवणी तुझ्या...
भिजून चिंब झाली, एक अशीच डायरी
त्यात सांभाळलेल्या शब्दांच्या सरी
वाफाळलेला चहा आणि कवितेच्या लहरी
पावसाचा गारवा, मनाचा ओलावा
एकच उमटली शिरशिरी...
खेळ सुरू होता बाहेर पाण्याचा
साठवला हा खजिना काही क्षणाचा
पुन्हा येणे कधी योजले असावे त्याने
तेव्हाच निरोप ही आला होता पावसाचा...
नभ हि दाटून आले ओसरीवर माझ्या
मांडून ठेवल्या होत्या, जिथे आठवणी तुझ्या...
- जुईली अतितकर
No comments:
Post a Comment