प्रेम, जिव्हाळा, अन बागडणे असते मैत्री
हसणे, रडणे, उगाच रुसणे असते मैत्री
वेगवेगळ्या रस्त्यावर पण असंख्य वाटा
वाटेवरती पुन्हा भेटणे असते मैत्री
हातावरची पाचच बोटे सोबत जेव्हा
जोडत जोडत शंभर बनणे असते मैत्री
आनंदाच्या डोही उरते मुकी भावना
कर्ज अश्रुंचे अन गहिवरणे असते मैत्री
भूक लागल्या पोटासाठी दूर राहुनी
घास वेगळे रोज ठेवणे असते मैत्री
कणाकणाने वाढत जावी नशा निराळी
नव्या ठिकाणी " ती " आठवणे असते मैत्री
शिंपल्यात ही अचुक पडावे थेंबाने मग
मोती व्हावे अशी चमकणे असते मैत्री
- जुई
No comments:
Post a Comment