सूर्य मावळतीला आला
किरणे जणू कुठे हरवली
अंधार अजून गडद भासला
पणती तरीही तेवत होती...
रात्र डोक्यावरती आली
चंद्रकोर ही अंधुक दिसली
चांदण्यांचा खेळ संपला
पणती तरीही तेवत होती...
गर्द ढगांची गर्दी झाली
आकाश माझे व्यापून गेली
झडप जोरदार एक बरसली
पणती तरीही तेवत होती...
तेल तूप ही संपून गेले
वादळे मनीची आज उसळली
कोपऱ्यात एकटीच ती
पणती तरीही तेवत होती...
- जुईली अतितकर
No comments:
Post a Comment