एकदा वाटलं मला, बदलावं जगाला
घाव घेत घेत, कोलमडलेल्या मनाला
एकदा वाटलं मला, बदलावं जगाला
फिक्या झालेल्या रंगावर, साज नवा द्यायला
एकदा वाटलं मला, बदलावं जगाला
रखडलेला गाडा पुन्हा, नव्याने रांधायला
एकदा वाटलं मला, बदलावं जगाला
सुकलेल्या पानांवर ही यावा पुन्हा तजेला
एकदा वाटलं मला, बदलावं जगाला
वेगाने पळणाऱ्या, नात्यांना साधायला
एकदा वाटलं मला, बदलावं जगाला
गर्दीत हरवलेल्या, माणसाला शोधायला
जगाने आज शिकवले मला,
बदल नाही सोपा हा आरशात बघ स्वतःला...
- जुईली अतितकर
No comments:
Post a Comment