बऱ्याच दिवसात शोधतेयं
एक पत्र हरवलेलं
खूप शोधलं, हुडकून काढलं
तेव्हा जे मिरवलेलं
वाचलं ही होतं थोडं फार
नाव गाव नव्हते, फक्त शब्द चार
बरंच काही लिहिलं होतं
कवितेची प्रतिक्रिया, कथेची नायिका
गूढ गुपित आणि बरंच काही
चारोळीत मावेल आणि कादंबरीत ही शिल्लक उरेल अशी ती साद
उत्स्फूर्तपणे मिळालेली दाद
चुकून आले का कुणाच्या पत्त्यावर
ते पत्र हरवलेलं
शोधतेय मी अजूनही
माझ्यासाठी जे गिरवलेलं
- जुईली अतितकर
Very nice
ReplyDeleteThank you 😊
Delete